എം.ജി. ബിരുദ ഏകജാലകം: ഓൺലൈൻ രജിസ്ട്രേഷൻ ജൂൺ 10 വരെ ദീർഘിപ്പിച്ചു മഹാത്മാ ഗാന്ധി സർവകലാശാലയോട് അഫിലിയേറ്റ് ചെയ്തിട്ടുള്ള സ്വയംഭരണ കോളേജുകൾ ഒഴികെയുള്ള ആർട്സ് ആൻഡ് സയൻസ് കോളേജുകളിലെ ഓണേഴ്സ് ബിരുദ പ്രോഗ്രാമുകളിലേക്കും സർവകലാശാല ഗ്രാജുവേറ്റ് സ്കൂളിലെ 4+1 ഇന്റഗ്രേറ്റഡ് പ്രോഗ്രാമിലേക്കും 2026-27 അധ്യയന വർഷത്തെ ഏകജാലക പ്രവേശനത്തിനായുള്ള ഓൺലൈൻ രജിസ്ട്രേഷന്റെ അവസാന തീയതി 2026 ജൂൺ 10 വൈകുന്നേരം 5.00 മണി വരെ ദീർഘിപ്പിച്ചു. സാധ്യതാ അലോട്ട്മെന്റ് (Trial Allotment) 2026 ജൂൺ 12-നും ഒന്നാം അലോട്ട്മെന്റ് 2026 ജൂൺ 17-നും പ്രസിദ്ധീകരിക്കും. ഒന്നാം അലോട്ട്മെന്റ് ലഭിക്കുന്ന വിദ്യാർഥികൾ 2026 ജൂൺ 22-ന് മുൻപായി ബന്ധപ്പെട്ട കോളേജുകളിൽ പ്രവേശനം നേടണം.

Attention Applicants Last Date for Online Registration: 10 June 2026 Applicants are advised to complete their online registration within the stipulated time limit.

അപേക്ഷകരുടെ ശ്രദ്ധയ്ക്ക് ഓൺലൈൻ രജിസ്‌ട്രേഷനുള്ള അവസാന തീയതി: 10 ജൂൺ 2026 നിശ്ചിത സമയപരിധിക്കുള്ളിൽ രജിസ്‌ട്രേഷൻ പൂർത്തിയാക്കുക.

UG CAP: After the Trial Allotment, applicants will be given an opportunity on the specified dates to add, delete, or rearrange their options. In addition, they will be allowed to correct any errors in the application, except those related to the Date of Birth, Name, Register Number, E-mail ID, and Mobile Number.

ബിരുദ ഏകജാലകം: സാധ്യതാ അലോട്മെന്റ് (Trial Allotment) നു ശേഷം നിശ്ചിത തീയതികളിൽ ഓപ്‌ഷനുകൾ കൂട്ടിച്ചെർക്കാവുന്നതും ഒഴിവാക്കാവുന്നതും പുനഃക്രമീകരിക്കാവുന്നതുമാണ്. ഇതോടൊപ്പം അപേക്ഷയിലെ ജനന തീയതി, പേര്, രജിസ്റ്റർ നം., ഇ മെയിൽ ഐ ഡി, മൊബൈൽ നം ഒഴികെയുള്ള വിവരങ്ങളിൽ തെറ്റുകൾ തിരുത്തുന്നതിനുമുള്ള അവസരമുണ്ടായിരിക്കുന്നതാണ്.

Only candidates belonging to the “Keralite” category are eligible to claim seats under the mandatory quota and other related reservation benefits. Candidates belonging to other states are not eligible for reservation benefits; therefore, such candidates should apply under the “General Category”.

Only candidates belonging to the “Keralite” category are eligible to claim seats under the mandatory quota and other related reservation benefits. Candidates belonging to other states are not eligible for reservation benefits; therefore, such candidates should apply under the “General Category”.

Mahatma Gandhi University ബിരുദ ഏകജാലകം – അപേക്ഷകരുടെ ശ്രദ്ധയ്ക്ക്: എൻ.സി.സി / എൻ.എസ്.എസ് / സ്കൗട്സ് ആൻഡ് ഗൈഡ്‌സ് / സ്റ്റുഡന്റ് പോലീസ് കേഡറ്റ് വിഭാഗങ്ങൾക്ക് അർഹമായ ബോണസ് മാർക്കിനായി അപേക്ഷയിൽ വിവരങ്ങൾ നൽകുമ്പോൾ, പ്രസ്തുത പ്രാതിനിധ്യങ്ങളും നേട്ടങ്ങളും പ്ലസ് വൺ/പ്ലസ് ടു തലത്തിലുള്ളതാണെന്ന് ഉറപ്പാക്കണം. പ്ലസ് വൺ/പ്ലസ് ടു തലങ്ങൾക്ക് മുൻപുള്ള പ്രാതിനിധ്യങ്ങൾ പരിഗണിക്കുന്നതല്ല. സ്കൗട്സ് ആൻഡ് ഗൈഡ്‌സ് വിഭാഗത്തിൽ രാജ്യപുരസ്കാർ / നന്മമുദ്ര സർട്ടിഫിക്കറ്റ് നേടിയവർക്കു മാത്രമേ ബോണസ് മാർക്കിന് അർഹതയുണ്ടാകൂ. സർവ്വകലാശാല നിർദ്ദേശങ്ങൾ പാലിക്കാതെ ബോണസ് മാർക്കിന് ക്ലെയിം ചെയ്യുന്നവരുടെ അലോട്ട്മെന്റ് റദ്ദാക്കുന്നതാണ്. വിമുക്തഭടൻ / ജവാൻ വിഭാഗങ്ങളിലെ ബോണസ് മാർക്ക് ആർമി / നേവി / എയർഫോഴ്സ് വിഭാഗങ്ങൾക്കു മാത്രമാണ് അനുവദിക്കുക. ഇതിനായി വിമുക്തഭടൻ വിഭാഗക്കാർ ജില്ലാ സൈനിക ക്ഷേമ ഓഫീസറുടെയും ജവാൻ വിഭാഗക്കാർ കമാൻഡിംഗ് ഓഫീസറുടെയും സാക്ഷ്യപത്രം ഹാജരാക്കണം. സ്പോർട്സ് / കൾച്ചറൽ വിഭാഗങ്ങളിൽ അപേക്ഷിക്കുന്നവരും അവരുടെ പ്രാതിനിധ്യങ്ങളും നേട്ടങ്ങളും പ്ലസ് വൺ/പ്ലസ് ടു തലത്തിലുള്ളതാണെന്ന് ഉറപ്പാക്കണം. അതിനു മുൻപുള്ള നേട്ടങ്ങൾ പരിഗണിക്കുന്നതല്ല. ഭിന്നശേഷിക്കാർ / ദിവ്യാംഗൻ വിഭാഗ സംവരണത്തിന് അപേക്ഷിക്കുന്നവർ 40 ശതമാനത്തിൽ കുറയാത്ത അംഗപരിമിതി ഉണ്ടെന്നു തെളിയിക്കുന്ന ജില്ലാ മെഡിക്കൽ ബോർഡിന്റെ സാക്ഷ്യപത്രമോ സാമൂഹ്യനീതി വകുപ്പിന്റെ തിരിച്ചറിയൽ കാർഡോ ഹാജരാക്കണം. താത്കാലിക ഡിസെബിലിറ്റി (Temporary Disability) ഉള്ളവരുടെ സർട്ടിഫിക്കറ്റ് കാലാവധിക്കുള്ളിലുള്ളതാണെന്നും ഉറപ്പാക്കണം.

Mahatma Gandhi University ബിരുദ ഏകജാലകം: ഓൺലൈൻ രജിസ്‌ട്രേഷൻ ആരംഭിച്ചു. അപേക്ഷകർ തങ്ങളുടെ പ്ലസ് ടു രജിസ്‌ട്രേഷൻ നമ്പർ, ആധാർ നമ്പർ, ഇ-മെയിൽ ഐഡി, മൊബൈൽ നമ്പർ എന്നിവ ഓൺലൈൻ അപേക്ഷയിൽ തെറ്റുകൂടാതെ നൽകുന്നതിന് പ്രത്യേകം ശ്രദ്ധിക്കണം. രജിസ്‌ട്രേഷൻ സമയത്ത് നൽകുന്ന വിവരങ്ങൾ പിന്നീട് തിരുത്താൻ സാധിക്കുന്നതല്ല. DHSE/VHSE/THSE ബോർഡുകളിൽ നിന്നുള്ള വിദ്യാർത്ഥികൾ രജിസ്റ്റർ നമ്പറും പാസായ വർഷവും നൽകുമ്പോൾ പരീക്ഷാഫലം സ്വയമേവ ലഭ്യമാകുന്നതായിരിക്കും. അതിനാൽ ഈ വിവരങ്ങൾ കൃത്യമായി നൽകണം; പിന്നീട് തിരുത്തലുകൾ അനുവദിക്കുന്നതല്ല.

Mahatma Gandhi University ബിരുദ ഏകജാലകം: എം ജി സർവ്വകലാശാലയോട് അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളേജുകളിലെ വിവിധ ബിരുദ പ്രോഗ്രാമുകളിലേക്കുള്ള ഏകജാലക പ്രവേശനത്തിന്റെ ഓൺലൈൻ രജിസ്‌ട്രേഷൻ ആരംഭിച്ചു. കേരള സംസ്ഥാന ഹയർ സെക്കണ്ടറി ബോർഡിന്റെ പരീക്ഷാഫലം പ്രസിദ്ധീകരിച്ച സാഹചര്യത്തിൽ, കേരള സംസ്ഥാന ഹയർ സെക്കണ്ടറി ബോർഡിൽ നിന്നും പ്ലസ് ടു പാസായ വിദ്യാർത്ഥികൾക്കും നിലവിൽ ഏകജാലക സംവിധാനത്തിലൂടെ അപേക്ഷിക്കാവുന്നതാണ്. അപേക്ഷ സമർപ്പിക്കുമ്പോൾ പ്ലസ് ടു രജിസ്റ്റർ നമ്പറും പരീക്ഷാ വർഷവും കൃത്യമായി തിരഞ്ഞെടുക്കുന്നതിന് അപേക്ഷകർ പ്രത്യേകം ശ്രദ്ധിക്കണം.

Candidates belonging to Examination Boards whose results are yet to be published need not register online at present. Such candidates may submit their applications only after the publication of the results.

എം ജി ബിരുദ ഏകജാലകം 2026: നിലവിൽ പരീക്ഷാഫലം പ്രഖ്യാപിച്ചിട്ടില്ലാത്ത ബോർഡുകളിൽ നിന്നുള്ളവർ ബിരുദ ഏകജാലകത്തിലൂടെ അപേക്ഷിക്കാൻ പാടുള്ളതല്ല. പരീക്ഷാഫലം വരുന്ന മുറക്ക് ഇത്തരക്കാർക്ക് അപേക്ഷിക്കുന്നതിനുള്ള സൗകര്യം ലഭ്യമാവുന്നതായിരിക്കും.

എം ജി ബിരുദ ഏകജാലകം: ഓൺലൈൻ രജിസ്‌ട്രേഷൻ ആരംഭിച്ചു.

എം ജി സർവ്വകലാശാലയോട് അഫിലിയേറ്റ് ചെയ്തിട്ടുള്ള സ്വയംഭരണ കോളേജുകൾ ഒഴികെയുള്ള ആർട്സ് ആൻഡ് സയൻസ് കോളേജുകളിലെ ഓണേഴ്‌സ് ബിരുദ പ്രോഗ്രാമുകളിലേക്കും സർവ്വകലാശാല ഗ്രാജ്യുവേറ്റ് സ്‌കൂളിലെ 4+1 പ്രോഗ്രാമിലേക്കുമുള്ള പ്രവേശനത്തിനായുള്ള ഓൺലൈൻ രജിസ്‌ട്രേഷൻ ആരംഭിച്ചു. നിലവിൽ പ്ളസ് 2 പരീക്ഷാഫലം വന്നവർക്കു മാത്രമേ ഏകജാലക സംവിധാനത്തിലൂടെ അപേക്ഷിക്കാൻ സാധിക്കുകയുള്ളൂ. പ്ളസ് 2 പരീക്ഷാഫലം കാത്തിരിക്കുന്നവർ ഇപ്പോൾ അപേക്ഷിക്കേണ്ടതില്ല.