ഓണേഴ്‌സ് ബിരുദ ഏകജാലകം: രണ്ടാം സപ്ലിമെന്ററി അലോട്മെന്റ് പ്രസിദ്ധീകരിച്ചു. അലോട്മെന്റ് ലഭിച്ചവർ ജൂലൈ 30 നു 4 പി എം നു മുൻപായി സ്ഥിരപ്രവേശം നേടേണ്ടതാണ്. ജൂലൈ 30 നു 4 പി എം നു മുൻപായി സ്ഥിരപ്രവേശം നേടാത്തവരുടെ അലോട്മെന്റ് റദ്ദാക്കപ്പെടുന്നതാണ്.

ഓണേഴ്സ് ബിരുദം; സപ്ലിമെന്‍ററി അലോട്ട്മെന്‍റിന് ഇന്നു മുതല്‍ അപേക്ഷിക്കാം മഹാത്മാ ഗാന്ധി സര്‍വകലാശാലയുടെ അഫിലിയേറ്റഡ് കോളജുകളില്‍ ഓണേഴ്സ് ബിരുദ പ്രോഗ്രാമുകളില്‍ ഏകജാലക സംവിധാനം വഴിയുള്ള പ്രവേശനത്തിന്‍റെ സപ്ലിമെന്‍ററി അലോട്ട്മെന്‍റിന് ഇന്നു (ജൂലൈ 17) മുതല്‍ അപേക്ഷിക്കാം. cap.mgu.ac.in എന്ന വൈബ്സൈറ്റില്‍ ജൂലൈ 19ന് വൈകുന്നേരം നാലുവരെ അപേക്ഷകള്‍ സ്വീകരിക്കും. ഇതുവരെ അപേക്ഷ നല്‍കാത്തവര്‍ക്കും ഓണ്‍ലൈന്‍ രജിസ്ട്രേഷന്‍ നടത്തിയിട്ടും അലോട്ട്മെന്‍റ് ലഭിക്കാത്തവര്‍ക്കും ലഭിച്ച അലോട്ട്മെന്‍റ് റദ്ദായവര്‍ക്കും ഈ അവസരം പ്രയോജനപ്പെടുത്താം. സപ്ലിമെന്‍ററി അലോട്ട്മെന്‍റിന് അപേക്ഷിക്കുന്ന എല്ലാവരും ഓപ്ഷനുകള്‍ പുതിയതായി നല്‍കണം. ഓണ്‍ലൈന്‍ അപേക്ഷയില്‍ തെറ്റുവരുത്തിയതുമൂലം അലോട്ട്മെന്‍റിന് പരിഗണിക്കപ്പെടാത്തവര്‍ക്കും അലോട്ട്മെന്‍റിലൂടെ ലഭിച്ച പ്രവേശനം റദ്ദായവര്‍ക്കും പ്രത്യേകം ഫീസ് അടയ്ക്കാതെ തന്നെ പുതിയതായി ഓപ്ഷന്‍ നല്‍കി സപ്ലിമെന്‍ററി അലോട്ട്മെന്‍റിന് അപേക്ഷിക്കാം. മാനേജ്മെന്‍റ്, കമ്യൂണിറ്റി മെറിറ്റ് ക്വാട്ടകളിലെ പ്രവേശനത്തിനുള്ള പ്രത്യേക ലിങ്കിലൂടെ മാത്രം നിലവില്‍ അപേക്ഷിച്ചിട്ടുള്ളവര്‍ നിലവിലെ ആപ്ലിക്കേഷന്‍ നമ്പരും പാസ് വേഡും ഉപയോഗിച്ച് cap.mgu.ac.in ല്‍ ലോഗിന്‍ ചെയ്യണം. നേരത്തെ നല്‍കിയ അപേക്ഷയില്‍ തിരുത്തുലുകള്‍ വരുത്തുകയും പുതിയതായി ഓപ്ഷനുകള്‍ നല്‍കുകയും ചെയ്യാം. ഓപ്ഷനുകള്‍ നല്‍കി അപേക്ഷ സേവ് ചെയ്ത് ഓണ്‍ലൈനില്‍ സമര്‍പ്പിക്കണം. അപേക്ഷയുടെയോ ഓപ്ഷനുകളുടെയോ പ്രിന്‍റൗട്ടുകള്‍ സര്‍വകലാശാലയില്‍ സമര്‍പ്പിക്കേണ്ടതില്ല. വിവിധ കോളജുകളിലെ ബിരുദ പ്രോഗ്രാമുകളുടെ വിശദാംശങ്ങള്‍ വെബ്സൈറ്റില്‍ ലഭിക്കും. സ്ഥിര പ്രവേശനം എടുത്തവര്‍ സപ്ലിമെന്‍ററി അലോട്ട്മെന്‍റില്‍ അപേക്ഷിക്കുകയും സപ്ലമെന്‍ററി അലോട്ട്മെന്‍റ് ലഭിക്കുകയും ചെയ്താല്‍ പുതിയതായി ലഭിക്കുന്ന അലോട്ട്മെന്‍റ് പ്രകാരം പ്രവേശനം എടുക്കേണ്ടിവരും. ഇവരുടെ മുന്‍ പ്രവേശനം റദ്ദാകും. അതുകൊണ്‍ണ്ടുതന്നെ സ്ഥിര പ്രവേശനം എടുത്തവര്‍ സപ്ലിമെന്‍ററി അലോട്ട്മെന്‍റിന് ഓപ്ഷനുകള്‍ നല്‍കുമ്പോള്‍ പ്രത്യേക ശ്രദ്ധ പുലര്‍ത്തണം. ഭിന്നേശേഷിക്കാര്‍ക്കായി സംവരണം ചെയ്ത സീറ്റുകളിലേക്കും കമ്യൂണിറ്റി മെറിറ്റ് സീറ്റുകളിലേക്കും ജൂലൈ 19ന് വൈകുന്നേരം നാലു വരെ അപേക്ഷിക്കാം.

ഓണേഴ്‌സ് ബിരുദ ഏകജാലകം: പ്രത്യേക അലോട്ട്മെന്‍റിന് ജൂലൈ പത്തുവരെ രജിസ്റ്റര്‍ ചെയ്യാം എം.ജി സര്‍വകലാശാലയുടെ അഫിലിയേറ്റഡ് കോളജുകളില്‍ ഓണേഴ്‌സ് ബിരുദ പ്രവേശനത്തിന് പട്ടിക ജാതി,പട്ടിക വര്‍ഗ്ഗ വിഭാഗക്കാര്‍ക്കായുള്ള രണ്ടാം പ്രത്യേക അലോട്ട്മെന്‍റിന് ജൂലൈ പത്തുവരെ ഓണ്‍ലൈന്‍ രജിസ്ട്രേഷന്‍ നടത്താം. പട്ടിക ജാതി,പട്ടിക വര്‍ഗ്ഗ വിഭാഗക്കാരല്ലാത്തവര്‍ക്കും രണ്ടാം പ്രത്യേക അലോട്മെന്‍റിന് അപേക്ഷിക്കാം. ആദ്യ അലോട്ട്മെന്‍റ് പട്ടികകളിൽ ഉള്‍പ്പെടാത്തവരും അലോട്ട്മെന്‍റ് ലഭിച്ചശേഷം അഡ്മിഷന്‍ എടുക്കാത്തവരും ഇതുവരെ അപേക്ഷിക്കാത്തവരും ഉള്‍പ്പെടെയുള്ളവര്‍ക്ക് പുതിയതായി ഓപ്ഷന്‍ നല്‍കുകയും രജിസ്ട്രേഷന്‍ നടത്തുകയും ചെയ്യാം.

ഓണേഴ്‌സ് ബിരുദ ഏകജാലകം: പട്ടിക ജാതി പട്ടിക വർഗ്ഗ വിഭാഗക്കാർക്കായുള്ള ഒന്നാം പ്രത്യേക അലോട്ട്മെന്‍റ് പ്രസിദ്ധീകരിച്ചു മഹാത്മാ ഗാന്ധി സര്‍വകലാശാലയുടെ അഫിലിയേറ്റഡ് കോളജുകളിലെ ഓണേഴ്‌സ് ബിരുദ പ്രോഗ്രാമുകളിലെ ഏകജാലക പ്രവേശനത്തിനുള്ള പട്ടിക ജാതി പട്ടിക വർഗ്ഗ വിഭാഗക്കാർക്കായുള്ള ഒന്നാം പ്രത്യേക അലോട്ട്മെന്‍റ് പ്രസിദ്ധീകരിച്ചു. അലോട്ട്മെന്‍റ് ലഭിച്ചവര്‍ ജൂലൈ 8 ന് വൈകുന്നേരം നാലിനു മുന്‍പ് കോളേജുകളില്‍ സ്ഥിര പ്രവേശനം നേടണം. മുൻ അലോട്മെന്റുകളിൽ താത്കാലിക പ്രവേശനത്തിൽ തുടരുന്ന പട്ടിക ജാതി, പട്ടിക വർഗ്ഗ വിഭാഗക്കാരും ജൂലൈ 8 ന് വൈകുന്നേരം നാലിനു മുന്‍പായി കോളേജുകളില്‍ സ്ഥിര പ്രവേശനം നേടേണ്ടതാണ്. ഇവർക്ക് താത്കാലിക പ്രവേശത്തിന് ക്രമീകരണമില്ല. പ്രവേശനം എടുക്കുന്നവര്‍ തെളിവായി കണ്‍ഫര്‍മേഷന്‍ സ്ലിപ്പ് ഡൗണ്‍ലോഡ് ചെയ്ത് സൂക്ഷിക്കണം. പുതുതായി അപേക്ഷിക്കാം മുൻ അലോട്ട്മെന്‍റ് കളിൽ ഉള്‍പ്പെടാത്തവരും അലോട്ട്മെന്‍റ് ലഭിച്ചശേഷം ജോയിൻ ചെയ്യാതിരുന്നവരും ഇതുവരെ അപേക്ഷിക്കാത്തവരും ഉള്‍പ്പെടെയുള്ളവര്‍ക്ക് ജൂലൈ ഒൻപത്, പത്ത് തീയതികളിലുള്ള എസ് സി എസ് ടി രണ്ടാം സ്പെഷ്യല്‍ അലോട്ട്മെന്‍റിനുള്ള രജിസ്ട്രേഷനൊപ്പം പുതിയതായി ഓപ്ഷന്‍ നല്‍കുകയും രജിസ്ട്രേഷന്‍ നടത്തുകയും ചെയ്യാം.

ഓണേഴ്‌സ് ബിരുദം; പുതിയ അപേക്ഷകള്‍ നാളെ വൈകുന്നേരം വരെ നല്‍കാം ...... മഹാത്മാ ഗാന്ധി സര്‍വകലാശാലയുടെ അഫിലിയേറ്റഡ് കോളജുകളില്‍ ഓണേഴ്സ് ബിരുദ കോഴ്സുകളില്‍ പ്രവേശനത്തിന് പുതിയതായി ഓപ്ഷന്‍ നല്‍കി രജിസ്റ്റര്‍ ചെയ്യുന്നതിനുള്ള സമയപരിധി നാളെ(ജൂലൈ 4) വൈകുന്നേരം നാലു വരെ നീട്ടി ഒന്നു മുതല്‍ മൂന്നുവരെ അലോട്ട്മെന്‍റുകളില്‍ പ്രവേശനം ലഭിക്കാത്തവര്‍ക്കും അലോട്ട്മെന്‍റ് ലഭിച്ചശേഷം കോളജുകളില്‍ ചേരാത്തവര്‍ക്കും ഇതുവരെ അപേക്ഷ നല്‍കിയിട്ടില്ലാത്തവര്‍ക്കും അപേക്ഷിക്കാം. പട്ടികജാതി, പട്ടിക വര്‍ഗ വിഭാഗങ്ങള്‍ക്കായുള്ള സ്വപെഷ്യല്‍ അലോട്ട്മെന്‍റിനും എയ്ഡഡ് കോളേജുകളിലെ കമ്മ്യൂണിറ്റി മെറിറ്റ് സീറ്റുകളിലേക്കും നാളെ വൈകുന്നേരം വരെ ഓണ്‍ലൈനില്‍ അപേക്ഷ നല്‍കാം.

പട്ടിക ജാതി-പട്ടിക വർഗ്ഗ വിഭാഗക്കാർക്കായുള്ള പ്രത്യേക അലോട്മെന്റിൽ പങ്കെടുക്കുന്നവർ നിർബന്ധമായും പുതുതായി ഓപ്‌ഷനുകൾ രജിസ്റ്റർ ചെയ്യേണ്ടതാണ് . നിലവിലുള്ള ഹയർ ഓപ്‌ഷനുകൾ പ്രത്യേക അലോട്മെന്റിനായി പരിഗണിക്കുന്നതല്ല.

ഒന്നും രണ്ടും മൂന്നും അലോട്മെന്റുകളിൽ അലോട്മെന്റ് ലഭിക്കാതിരുന്നവരും അലോട്മെന്റ് ലഭിച്ച് വിവിധ പ്രോഗ്രാമുകളിൽ ജോയിൻ ചെയ്യാതിരുന്നവരും നാളിതുവരെ അപേക്ഷിക്കാതിരുന്നവരുമുൾപ്പടെ എല്ലാ വിധ അപേക്ഷകർക്കും സപ്ലിമെന്ടറി അലോട്മെന്റ് വരെ കാത്തിരിക്കാതെ 01/ 07 / 2024 മുതൽ 03/07/2024 വരെയുള്ള എസ് സി / എസ് ടി സ്‌പെഷ്യൽ അലോട്മെന്റിനായുള്ള രജിസ്ട്രേഷനോടൊപ്പം പുതുതായി ഓപ്‌ഷനുകൾ നൽകാവുന്നതും രജിസ്റ്റർ ചെയ്യാവുന്നതുമാണ്. എയ്ഡഡ് കോളേജുകളിലെ കമ്മ്യൂണിറ്റി മെറിറ്റ് സീറ്റുകളിലേക്കും പി ഡി ക്വാട്ടയിലേക്കും ഇതോടൊപ്പം തന്നെ പുതുതായി അപേക്ഷിക്കാവുന്നതോ ഓപ്‌ഷനുകൾ നൽകാവുന്നതോ ആണ് .

എം.ജി ഓണേഴ്സ് ബിരുദം: മൂന്നാം അലോട്ട്മെന്‍റ് പ്രസിദ്ധീകരിച്ചു

എം.ജി ഓണേഴ്സ് ബിരുദം: മൂന്നാം അലോട്ട്മെന്‍റ് പ്രസിദ്ധീകരിച്ചു. മഹാത്മാ ഗാന്ധി സര്‍വകലാശാലയുടെ അഫിലിയേറ്റഡ് കോളജുകളിലെ ഓണേഴ്സ് ബിരുദ പ്രോഗ്രാമുകളിലും സര്‍വകലാശാലാ കാമ്പസിലെ 4+1 പ്രോഗ്രാമുകളിലും ഏകജാലക പ്രവേശനത്തിനുള്ള മൂന്നാം അലോട്ട്മെന്‍റ് പ്രസിദ്ധീകരിച്ചു. അലോട്ട്മെന്‍റ് ലഭിച്ചവര്‍ ജൂണ്‍ 29 ന് വൈകുന്നേരം നാലിനു മുന്‍പ് കോളേജുകളില്‍ സ്ഥിര പ്രവേശനം നേടണം. പട്ടിക ജാതി പട്ടിക വർഗ്ഗ വിഭാഗത്തിൽപ്പെട്ടവർക്ക് ടി വിഭാഗത്തിൽപ്പെട്ടവർക്കായുള്ള ഒന്നാം പ്രത്യേക അലോട്മെന്റ് വരെ താത്കാലിക പ്രവേശനത്തിൽ തുടരാവുന്നതാണ്. എന്നാൽ മാറ്റ് വിഭാഗത്തിൽപ്പെട്ടവർ ജൂണ്‍ 29 ന് വൈകുന്നേരം നാലിനു മുന്‍പായി സ്ഥിര പ്രവേശം നേടേണ്ടതാണ്.ഇവർക്ക് താത്കാലിക പ്രവേശത്തിനുള്ള സൗകര്യം ഉണ്ടായിരിക്കുന്നതല്ല. പ്രവേശനം എടുക്കുന്നവര്‍ തെളിവായി കണ്‍ഫര്‍മേഷന്‍ സ്ലിപ്പ് ഡൗണ്‍ലോഡ് ചെയ്ത് സൂക്ഷിക്കണം.

എം.ജി ഓണേഴ്സ് ബിരുദം; രണ്ടാം അലോട്ട്മെന്‍റ് പ്രസിദ്ധീകരിച്ചു മഹാത്മാ ഗാന്ധി സര്‍വകലാശാലയുടെ അഫിലിയേറ്റഡ് കോളജുകളിലെ ഓണേഴ്സ് ബിരുദ പ്രോഗ്രാമുകളിലും സര്‍വകലാശാലാ കാമ്പസിലെ 4+1 പ്രോഗ്രാമുകളിലും ഏകജാലക പ്രവേശനത്തിനുള്ള രണ്ടാം അലോട്ട്മെന്‍റ് പ്രസിദ്ധീകരിച്ചു. അലോട്ട്മെന്‍റ് ലഭിച്ചവര്‍ ജൂണ്‍ 25ന് വൈകുന്നേരം നാലിനു മുന്‍പ് കോളേജുകളില്‍ പ്രവേശനം നേടണം. താത്കാലിക പ്രവേശനം തെരഞ്ഞടുക്കുന്നവര്‍ കോളേജുകളില്‍ ബന്ധപ്പെട്ട് പ്രവേശം ഉറപ്പാക്കിയാല്‍ മതിയാകും. ഒന്നാം ഓപ്ഷന്‍ ലഭിച്ചവരും സ്ഥിര പ്രവേശം തെരഞ്ഞടുത്തവരും ഈ സമയപരിധിക്കുള്ളില്‍ കോളേജുകളില്‍ നേരിട്ട് ഹാജരായാണ് പ്രവേശനം നേടേണ്ടത്. പ്രവേശനം എടുക്കുന്നവര്‍ തെളിവായി കണ്‍ഫര്‍മേഷന്‍ സ്ലിപ്പ് ഡൗണ്‍ലോഡ് ചെയ്ത് സൂക്ഷിക്കണം.

ഒന്നാം ഓപ്‌ഷനിൽ അലോട്മെന്റ് ലഭിച്ചവരും സ്ഥിരപ്രവേശം (PERMANENT ADMISSION) തെരഞ്ഞെടുത്തവരും മാത്രമേ കോളേജുകളിലെ ഫീസ് അടക്കേണ്ടതുള്ളൂ. ഇത്തരക്കാർ പ്രവേശനത്തിനായി കോളേജുകളിൽ നിർബന്ധമായും ഹാജരാവേണ്ടതുണ്ട്. നിശ്ചിത സർവകലാശാല ഫീസ് ഒടുക്കി താത്കാലിക പ്രവേശം തെരഞ്ഞെടുത്തവർ ആരും തന്നെ മറ്റൊരു വിധ ഫീസും കോളേജുകളിൽ ഒടുക്കേണ്ടതില്ല. ഇവർ ഫോൺ മുഖേന പ്രവേശം കൺഫേം ചെയ്താൽ മതിയാവുന്നതാണ്

ഓണേഴ്‌സ് ബിരുദം : ആദ്യ അലോട്ട്‌മെന്‍റ് പ്രസിദ്ധീകരിച്ചു മഹാത്മാ ഗാന്ധി സര്‍വകലാശാലയുടെ അഫിലിയേറ്റഡ് കോളജുകളിലെ ഓണേഴ്‌സ് ബിരുദ പ്രോഗ്രാമുകളിലും സര്‍വകലാശാലാ കാമ്പസിലെ 4+1 പ്രോഗ്രാമുകളിലും ഏകജാലക പ്രവേശനത്തിനുള്ള ഒന്നാം അലോട്ട്‌മെന്‍റ് പ്രസിദ്ധീകരിച്ചു. അലോട്ട്‌മെന്‍റ് ലഭിച്ചവർ നിശ്ചിത സർവകലാശാലാ ഫീസ് ഓൺലൈനില്‍ അടച്ച് മോഡ് ഓഫ് അഡ്മിഷൻ (സ്ഥിരം/താത്കാലികം) തെരഞ്ഞെടുത്ത് ജൂണ്‍ 19ന് വൈകുന്നേരം നാലിനു മുന്‍പ് കോളേജുകളിൽ പ്രവേശനം നേടണം. ഒന്നാം ഓപ്‌ഷന്‍ ലഭിച്ചവരും സ്ഥിര പ്രവേശം തെരഞ്ഞടുത്തവരും ഈ സമയപരിധിക്കുള്ളില്‍ കോളേജുകളിൽ നേരിട്ട് ഹാജരായാണ് പ്രവേശനം നേടേണ്ടത്. താത്കാലിക പ്രവേശം തെരഞ്ഞടുത്തവർ കോളേജുകളില്‍ ബന്ധപ്പെട്ട് പ്രവേശം ഉറപ്പാക്കിയാല്‍ മതിയാകും. സ്ഥിരമായോ താത്കാലികമായോ പ്രവേശനം എടുക്കുന്നവര്‍ തെളിവായി കണ്‍ഫര്‍മേഷന്‍ സ്ലിപ്പ് ഡൗണ്‍ലോഡ് ചെയ്ത് സൂക്ഷിക്കണം. പരാതികള്‍ ഉണ്ടാകുന്ന പക്ഷം സമര്‍പ്പിക്കുന്നത് കണ്‍ഫര്‍മേഷന്‍ സ്ലിപ്പ് ആവശ്യമാണ്.

Admission to Sports/Cultural/PD Quota

സ്പോര്‍ട്സ്, കള്‍ച്ചറല്‍ പിഡി ക്വാട്ട; അന്തിമ റാങ്ക് ലിസ്റ്റ് പ്രസിദ്ധീകരിച്ചു ഓണേഴ്സ് ബിരുദ പ്രോഗ്രാമുകളില്‍ സ്പോര്‍ട്സ്, കള്‍ച്ചറല്‍, പിഡി ക്വാട്ടകളില്‍ പ്രവേശനത്തിനുള്ള അന്തിമ റാങ്ക് പട്ടിക പ്രസിദ്ധീകരിച്ചു. പട്ടികയില്‍ ഉള്‍പ്പെടുന്നവര്‍ കോളജുകളുമായി ബന്ധപ്പെട്ട് ജൂണ്‍ 14ന് വൈകുന്നേരം നാലിനു മുന്‍പ് പ്രവേശനം നേടണം.

ഓണേഴ്സ് ബിരുദം; 14 വരെ അപേക്ഷിക്കാം മഹാത്മാ ഗാന്ധി സര്‍വകലാശാലയുടെ അഫിലിയേറ്റഡ് കോളജുകളിലെ ഓണേഴ്സ് ബിരുദ പ്രോഗ്രാമുകളിലും സര്‍വകലാശാലാ കാമ്പസിലെ 4+1 പ്രോഗ്രാമുകളിലും ഏകജാലക പ്രവേശനത്തിന് ജൂണ്‍ 14 വരെ ഓണ്‍ലൈന്‍ രജിസ്ട്രേഷന്‍ നടത്താം. ഇതുവരെ അപേക്ഷ സമര്‍പ്പിക്കാത്തവര്‍ക്കും ഫീസ് അടച്ചശേഷം അപേക്ഷ നല്‍കാന്‍ കഴിയാത്തവര്‍ക്കും ഈ അവസരം പ്രയോജനപ്പെടുത്താം. സ്പോര്‍ട്സ്, കള്‍ച്ചറല്‍, പി.ഡി ക്വാട്ടകളില്‍ ഇനി അപേക്ഷിക്കാന്‍ കഴിയില്ല. രജിസ്ട്രേഷന്‍ നടത്തിയവര്‍ക്ക് 14 വരെ ഓപ്ഷനുകള്‍ കൂട്ടിച്ചേര്‍ക്കുകയും ഒഴിവാക്കുന്നതിനും പുനഃക്രമീകരിക്കുകയും തിരുത്തലുകള്‍ വരുത്തുകയും ചെയ്യാം. പേര്, ആധാര്‍ നമ്പര്‍, മൊബൈല്‍ നമ്പര്‍, ഇ മെയില്‍ വിലാസം, പരീക്ഷാ ബോര്‍ഡ്, രജിസ്റ്റര്‍ നമ്പര്‍, സംവരണ വിഭാഗം എന്നിവ ഒഴികെയുള്ള വിവരങ്ങളാണ് തിരുത്താന്‍ കഴിയുക

Trial Allotment Published

ഓണേഴ്‌സ് ബിരുദം ട്രയല്‍ അലോട്ട്‌മെന്റ് പ്രസിദ്ധീകരിച്ചു മഹാത്മാ ഗാന്ധി സര്‍വകലാശാലയുടെ അഫിലിയേറ്റഡ് കോളജുകളിലെ ഓണേഴ്‌സ് ബിരുദ പ്രോഗ്രാമുകളിലും സര്‍വകലാശാലാ കാമ്പസിലെ 4+1 പ്രോഗ്രാമുകളിലും ഏകജാലക പ്രവേശനത്തിനുള്ള ട്രയല്‍ അലോട്ട്‌മെന്റ് പ്രസിദ്ധീകരിച്ചു. അപേക്ഷ സമര്‍പ്പിച്ചവര്‍ക്ക് ജൂണ്‍ 13വരെ ഓപ്ഷനുകള്‍ കൂട്ടിച്ചേര്‍ക്കുകയും ഒഴിവാക്കുന്നതിനും പുനഃക്രമീകരിക്കുകയും തിരുത്തലുകള്‍ വരുത്തുകയും ചെയ്യാം. പേര്, ആധാര്‍ നമ്പര്‍, മൊബൈല്‍ നമ്പര്‍, ഇ മെയില്‍ വിലാസം, പരീക്ഷാ ബോര്‍ഡ്, രജിസ്റ്റര്‍ നമ്പര്‍, സംവരണ വിഭാഗം എന്നിവ ഒഴികെയുള്ള വിവരങ്ങളാണ് തിരുത്താന്‍ കഴിയുക. ഓണ്‍ലൈനില്‍ ഇതുവരെ അപേക്ഷ സമര്‍പ്പിക്കാത്തവര്‍ക്കും ഫീസ് അടച്ചശേഷം അപേക്ഷ നല്‍കാന്‍ കഴിയാത്തവര്‍ക്കും ജൂണ്‍ 13വരെ രജിസ്റ്റര്‍ ചെയ്യാം. കമ്യൂണിറ്റി മെരിറ്റ് ക്വാട്ടയില്‍ അപേക്ഷിച്ചവര്‍ ഓപ്ഷനുകള്‍ കൂട്ടിച്ചേര്‍ക്കുന്നതിനും പുനഃക്രമീകരിക്കുന്നതിനും പുതിയതായി രജിസ്റ്റര്‍ ചെയ്യുന്നതിനും 'community merit quota log in' എന്ന ഓപ്ഷന്‍ ഉപയോഗിക്കാം.

Sports/Cultural/PD Quota - Provisional Rank list Published

സ്പോർട്സ് /കൾച്ചറൽ /പി ഡി ക്വാട്ടകളിലെ പ്രൊവിഷണൽ റാങ്ക് ലിസ്റ്റ് പ്രസിദ്ധീകരിച്ചു. ഫൈനൽ റാങ്ക് ലിസ്റ്റ് ജൂൺ 13 നു പ്രസിദ്ധീകരിക്കുന്നതും ഫൈനൽ റാങ്ക് ലിസ്റ്റിൽ ഉൾപ്പെട്ടിട്ടുള്ളവർ കോളേജുകളിൽ പ്രസിദ്ധീകരിക്കുന്ന പ്രവേശന സാധ്യതാ ലിസ്റ്റ് പരിശോധിച്ച് പ്രവേശന സാധ്യത മനസ്സിലാക്കി ജൂൺ 14 നകം ബന്ധപ്പെട്ട കോളേജുകളിൽ പ്രവേശനം നേടേണ്ടതുമാണ്.

UG CAP: Trial allotment shall be published on 12th June 2024. Facility for new online registration, data modification/Option Rearrangement/addition/deletion of options for the already registered candidates shall be available on 12th & 13th June 2024. Final rank list for admission to Sports/Cultural/PD Quota shall be published on 13th June 2024. Candidates who figure in the final rank list should approach the colleges and secure admission on 13th & 14 June as per the admission probability list published in various colleges.

ബിരുദ ഏകജാലകം: ഓൺലൈൻ രജിസ്‌ട്രേഷൻ അവസാനിച്ചു. സാധ്യതാ അലോട്മെന്റ് (TRIAL ALLOTMENT) ജൂൺ 12 നു പ്രസിദ്ധീകരിക്കും. ജൂൺ 12 , 13 തീയതികളിൽ നാളിതു വരെ അപേക്ഷിക്കാൻ സാധിക്കാതിരുന്നവർക്ക് പുതുതായി അപേക്ഷിക്കാവുന്നതും നിലവിലെ അപേക്ഷകർക്ക് അപേക്ഷകയിലെ തെറ്റുകൾ തിരുത്തുന്നതിനും ഓപ്‌ഷനുകൾ പുതുതായി നൽകുന്നതിനും പുനഃക്രമീകരിക്കുന്നതിനും ഒഴിവാക്കുന്നതിനുമുള്ള സൗകര്യം ലഭ്യമായിരിക്കുന്നതാണ്. സ്പോർട്സ്/കൾച്ചറൽ/പി ഡി ക്വാട്ടകളിലെ അന്തിമ റാങ്ക് ലിസ്റ്റ് ജൂൺ 13 നു പ്രസിദ്ധീകരിക്കുന്നതും പ്രവേശനം ജൂൺ 13, 14 തീയതികളിൽ കോളേജുകളിൽ നടക്കുന്നതുമായിരിക്കും.

for the kind Attention of applicants

എം ജി ബിരുദ ഏകജാലകം : അപേക്ഷകരുടെ ശ്രദ്ധക്ക് എം ജി സർവ്വകലാശാലയോട് അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളേജുകളിലെ ഒന്നാം വർഷ ബിരുദ പ്രോഗ്രാമുകളിലേക്കും സർവ്വകലാശാലാ ക്യാംപസിലെ 4 + 1 ഓണേഴ്‌സ് പ്രോഗ്രാമുകളിലേക്കും പ്രവേശനം ആഗ്രഹിക്കുന്നവർ അവസാന തീയതി വരെ കാത്ത് നിൽക്കാതെ എത്രയും പെട്ടന്ന് തന്നെ രജിസ്‌ട്രേഷൻ പൂർത്തിയാക്കുന്നതിനു ശ്രദ്ധിക്കേണ്ടതാണ്.ഓൺലൈൻ രജിസ്ട്രേഷന് അഫിലിയേറ്റഡ് കോളേജുകളിൽ സൗജന്യ ഹെൽപ്പ് ഡെസ്‌ക്കുകൾ ഒരുക്കിയിട്ടുണ്ട്. ഓൺലൈൻ അപേക്ഷയിൽ സംഭവിചേക്കാവുന്ന തെറ്റുകൾ ഒഴിവാക്കുന്നതിനു കോളേജുകളിലെ സൗജന്യ ഹെൽപ്പ് ഡെസ്ക് സൗകര്യം പ്രയോജനപ്പെടുത്തുന്നതിനു അപേക്ഷകർ പരമാവധി ശ്രദ്ധിക്കേണ്ടതാണ്. സർവ്വകലാശാല ക്യാപ് വെബ്‌സൈറ്റിലെ പ്രോഗ്രാം-കോളേജ് കോമ്പിനേഷൻ പരിശോധിച്ച് ആവശ്യമായ ഓപ്‌ഷനുകൾ കുറിച്ചെടുത്ത് ശ്രദ്ധാപൂർവ്വം ഓപ്‌ഷനുകൾ നൽകുന്നതിന് ഹെൽപ്പ്‌ഡെസ്കുകൾ പ്രയോജനപ്പെടുത്തതാവുന്നതാണ്. കോളേജുകളിലെ ഹെൽപ്പ് ഡെസ്കുകളുടെ കോൺടാക്ട് നമ്പറുകൾ ക്യാപ്പ് വെബ്‌സൈറ്റിൽ നൽകിയിട്ടുണ്ട്. സ്പോർട്സ്/കൾച്ചറൽ/ ഭിന്നശേഷിക്കാർക്കായി സംവരണം ചെയ്ത സീറ്റുകളിലേക്കും എയ്ഡഡ് കോളേജുകളിലെ കമ്യൂണിറ്റി മെറിറ്റ് സീറ്റുകളിലേക്കും പ്രവേശനത്തിന് ഓൺലൈനായി അപേക്ഷിക്കേണ്ടതാണ്. പ്രസ്തുത ക്വാട്ടാകളിലേക്കും അപേക്ഷിക്കുന്നതിനുള്ള സൗകര്യം കോളേജ് തല ഹെൽപ്‌ഡെസ്കുകളിൽ ലഭ്യമാണ്.

Choosing Programme -Spcialisation - College Combinations- Things to remember

മഹാത്മാ ഗാന്ധി സര്‍വകലാശാലയുടെ ഓണേഴ്സ് ബിരുദ പ്രോഗ്രാമുകളുടെ ഏകജാലക പ്രവേശനത്തിനായി ഓണ്‍ലൈന്‍ രജിസ്ട്രേഷന്‍ നടത്തുന്പോള്‍ സ്പെഷ്യലൈസേഷനോടു കൂടിയ പ്രോഗ്രാമുകള്‍ ആവശ്യമുള്ളവര്‍ ഇവ പ്രത്യേകമായി തിരഞ്ഞെടുക്കണം. അഫിലിയേറ്റഡ് കോളജുകള്‍ സ്പെഷ്യലൈസേഷന്‍ ഇല്ലാത്ത കോഴ്സുകളും നടത്തുന്നുണ്ട്. നിശ്ചിത കോഴ്സിനൊപ്പം സ്പെഷ്യലൈസേഷന്‍ തിരഞ്ഞെടുത്താല്‍ സ്പെഷ്യലൈസേഷനുള്ള കോളജുകളിലേക്ക് ഓപ്ഷന്‍ നല്‍കാനാകും. സ്പെഷ്യലൈസേന്‍ ഇല്ലാത്ത പ്രോഗ്രാമുകൾക്കു നേരെ NIL എന്നത് സെലക്ട് ചെയ്താലേ സ്പെഷ്യലൈസേഷനുകൾ ഇല്ലാത്ത പ്രോഗ്രാമുകൾ ലിസ്റ്റ് ചെയ്യുകയുള്ളൂ. ക്യാപ് വെബ്സൈറ്റിലുള്ള പ്രോഗ്രാമുകളും കോളജുകളുമായും ബന്ധപ്പെട്ട വിവരങ്ങള്‍ പരിശോധിച്ച് വിവരങ്ങള്‍ ഉറപ്പാക്കിയശേഷം മാത്രം ഓപ്ഷന്‍ നല്‍കാന്‍ ശ്രദ്ധിക്കുക. ഇതിനോടകം ഓണ്‍ലൈന്‍ അപേക്ഷ സമര്‍പ്പിച്ചവര്‍ക്ക് ജൂണ്‍ 12, 13 തീയതികളില്‍ നല്‍കിയ ഓപ്ഷന്‍ ഒഴിവാക്കുന്നതിനും പുതിയത് നല്‍കുന്നതിനും അവസരമുണ്ട്. ഓണ്‍ലൈന്‍ അപേക്ഷയിലെ അനുവദനീയമായ മറ്റു തിരുത്തലുകളും ഈ ദിവസങ്ങളില്‍ നടത്താനാകും.

UG CAP - Instructions for claiming Bonus marks

എം ജി ബിരുദ ഏകജാലകം - അപേക്ഷകരുടെ ശ്രദ്ധക്ക്: എൻ സി സി /എൻ എസ് എസ് / സ്കൗട്സ് ആൻഡ് ഗൈഡ്‌സ്/സ്റ്റുഡന്റ് പോലീസ് കേഡറ്റ് വിഭാഗങ്ങൾക്ക് അർഹമായ ബോണസ് മാർക്കിനായി ഇതുമായി ബന്ധപ്പെട്ട വിവരങ്ങൾ അപേക്ഷയിൽ നൽകുമ്പോൾ എൻ സി സി /എൻ എസ് എസ് / സ്കൗട്സ് ആൻഡ് ഗൈഡ്‌സ്/സ്റ്റുഡന്റ് പോലീസ് കേഡറ്റ് എന്നിവയിലെ പ്രാതിനിധ്യം /നേട്ടങ്ങൾ പ്ലസ് വൺ/ പ്ലസ് ടു തലത്തിലുള്ളതായിരിക്കണമെന്നുറപ്പ് വരുത്തേണ്ടതാണ്. പ്ലസ് വൺ/ പ്ലസ് ടു തലങ്ങൾക്കു മുന്പുള്ള പ്രസ്തുത വിഭാഗങ്ങളിലെ പ്രാതിനിധ്യം സ്വീകരിക്കുന്നതല്ല. കൂടാതെ സ്കൗട്സ് ആൻഡ് ഗൈഡ്‌സ് - രാജ്യപുരസ്കാർ /നന്മ മുദ്ര സർട്ടിഫിക്കറ്റുള്ളവർക്ക് മാത്രമേ പ്രസ്തുത വിഭാഗത്തിൽ ബോണസ് മാർക്കിനർഹതയുണ്ടാവുകയുള്ളൂ. ഇത് സംബന്ധിച്ചുള്ള സർവ്വകലാശാല നിർദ്ദേശങ്ങൾ പാലിക്കാതെ ബോണസ് മാർക്കിന് ക്ലെയിം ചെയ്യുന്നവരുടെ അലോട്മെന്റ് റദ്ദാക്കപ്പെടുന്നതാണ്. വിമുക്ത ഭടൻ /ജവാൻ എന്ന വിഭാഗത്തിലുള്ള ബോണസ് മാർക്കിന് ആർമി/നേവി/എയർഫോഴ്സ് വിഭാഗങ്ങൾക്ക് മാത്രമേ അർഹത ഉണ്ടായിരിക്കുകയുള്ളൂ. ഇതിനായി വിമുക്ത ഭടൻ ജില്ലാ സൈനിക ക്ഷേമ ഓഫീസറുടെ സാക്ഷ്യപത്രവും ജവാൻ കമാണ്ടിംഗ് ഓഫീസറുടെ സാക്ഷ്യപത്രവും ഹാജരാക്കേണ്ടതാണ്. സ്പോർട്സ്/കൾച്ചറൽ വിഭാഗങ്ങളിൽ അപേക്ഷിക്കുന്നവരും പ്രസ്തുത വിഭാഗങ്ങളിലെ പ്രാതിനിധ്യം /നേട്ടങ്ങൾ പ്ലസ് വൺ/ പ്ലസ് ടു തലത്തിലുള്ളതായിരിക്കണമെന്നുറപ്പ് വരുത്തേണ്ടതാണ്. പ്ലസ് വൺ/ പ്ലസ് ടു തലങ്ങൾക്കു മുന്പുള്ള പ്രസ്തുത വിഭാഗങ്ങളിലെ പ്രാതിനിധ്യം സ്വീകരിക്കുന്നതല്ല. ഭിന്നശേഷിക്കാർക്കായി /ദിവ്യാങ്കൺ വിഭാഗത്തിലെ സംവരണത്തിനു അപേക്ഷിക്കുന്നവർ 40 % ത്തിൽ കുറയാത്ത അംഗപരിമിതി ഉണ്ടെന്നുള്ള ജില്ലാ മെഡിക്കൽ ബോർഡിന്റെ സാക്ഷ്യപത്രമോ സാമൂഹ്യ നീതി വകുപ്പിൽ നിന്നുമുള്ള തിരിച്ചറിയൽ കാർഡോ ഹാജരാക്കേണ്ടതാണ്. താത്കാലിക ഡിസെബിലിറ്റി (Temporary Disability ) ഉള്ളവരുടെ സാക്ഷ്യപത്രം കാലാവധിക്കുള്ളിലുള്ളതാണെന്നുറപ്പ് വരുത്തേണ്ടതാണ്.

Facility for online registration shall be available till 4.00 pm on 7th June 2024

ബിരുദ ഏകജാലകം: ഓൺലൈൻ രജിസ്‌ട്രേഷനുള്ള സൗകര്യം 2024 ജൂൺ 7 - 4.00 പി എം വരെ ലഭ്യമായിരിക്കുന്നതാണ്.

Opting Programmes

ഓണേഴ്‌സ് ബിരുദ പ്രോഗ്രാമുകൾ നടപ്പിലാക്കുന്നതുമായി ബന്ധപ്പെട്ട് വിവിധ കോളേജുകൾ പ്രസ്തുത കോളേജുകളിലെ പ്രോഗ്രാമുകൾക്ക് വിവിധ സ്പെഷ്യലൈസേഷനുകൾ ഓഫർ ചെയ്യുന്നുണ്ട്. അപേക്ഷകർ ഓപ്‌ഷനുകൾ നൽകുമ്പോൾ സ്പെഷ്യലൈസേഷനുകൾ കൂടി സെലക്ട് ചെയ്‌താൽ മാത്രമേ പ്രസ്തുത സ്പെഷ്യലൈസേഷനുകൾ ഓഫർ ചെയ്യുന്ന കോളേജ് ഓപ്റ്റ്‌ ചെയ്യുന്നതിന് സാധിക്കുകയുള്ളു. ആയതിനാൽ ക്യാപ്പ് വെബ്‌സൈറ്റിലെ പ്രോഗ്രാം ലിസ്റ്റ് പരിശോധിച്ച് ഓപ്‌ഷനുകൾ നൽകുന്നതിന് ശ്രദ്ധിക്കേണ്ടതാണ്~.

Online Registration for admission to UG Programmes

എം ജി ബിരുദ ഏകജാലകം: എം ജി സർവ്വകലാശാലയോട് അഫിലിയേറ് ചെയ്തിട്ടുള്ള ആർട്സ് ആൻഡ് സയൻസ് കോളേജുകളിലെ വിവിധ ബിരുദ പ്രോഗ്രാമുകളിലേക്കുള്ള ഏകജാലക പ്രവേശനത്തിന്റെ ഓൺലൈൻ രജിസ്‌ട്രേഷൻ ആരംഭിച്ചു.

MGU-UGP CAP 2024

എം ജി സർവ്വകലാശാലയോട് അഫിലിയേറ് ചെയ്തിട്ടുള്ള ആർട്സ് ആൻഡ് സയൻസ് കോളേജുകളിലെ ഒന്നാം സെമസ്റ്റർ ബിരുദ പ്രോഗ്രാമുകളിലെ ഏകജാലക പ്രവേശന പ്രക്രിയ ഉടൻ ആരംഭിക്കുന്നതാണ്. അപേക്ഷകർ തങ്ങളുടെ അക്കാദമിക വിവരങ്ങൾ, സംവരണാനുകൂല്യത്തിനായുള്ള സാക്ഷ്യപത്രങ്ങൾ, എൻ സി സി, എൻ എസ്, എസ് , സ്റ്റുഡന്റ് പോലീസ് കേഡറ്റ്, സ്കൗട്ട്സ്, വിമുക്തഭടന്റെ /ജവാന്റെ ആശ്രിതർ എന്നിവ സംബന്ധിച്ചും സ്പോർട്സ്, കൾച്ചറൽ ക്വാട്ടാ പ്രവേശനത്തിനായുള്ള സാക്ഷ്യപത്രങ്ങളും, ഭിന്നശേഷി സംവരണം സംബന്ധിച്ച സാക്ഷ്യപത്രങ്ങളും അപേക്ഷിക്കുന്നതിന് മുൻപായി കൈവശമുണ്ടെന്നുറപ്പ് വരുത്തേണ്ടതാണ്.